ലീഗ് കേരളഗജനാവ് കൊള്ളയടിക്കുമ്പോള്‍

യു.ഡി.എഫ്. തീരുമാനത്തിനെതിരായി ഏകാധിപരമായി 4നു പകരം 5 മന്ത്രിമാരുടെ പേരുകള്‍ ഒരു മത പുരോഹിതനെ (ആ മതത്തിലെ അനേകം ശാഖകളില്‍ ഒന്നിന്റെ മാത്രമായ ഒരു മത നേതാവിനെ) കൊണ്ട്  പ്രഖ്യാപിച്ച് തൂക്ക് ഗവണ്മെന്റിനെ ബ്ലാക്ക് മെയില്‍ ചെയ്യുവാന്‍ ലീഗ് നേതാക്കള്‍ കച്ച മുറുക്കി ഇറങ്ങിയതിനു ശേഷം മാസങ്ങള്‍ക്കിപ്പുറം “സുതാര്യന്‍” എന്ന് നാഴികയ്ക്ക് നാല്പത് വട്ടം ഉരിയാടുന്ന മുഖ്യന്‍ തന്റെ സഹ നേതാക്കളെ ചതിച്ച് കൊണ്ട് ലീഗിനു 5ആം മന്ത്രി പദം നല്‍കി.

ആ 5ആം മന്ത്രിയിലൂടെ ലീഗിനു പുതിയതായി ഏതെങ്കിലും വകുപ്പ് ലഭിച്ചുവോ?

അപ്പോള്‍ എന്തിനാണു കേരളത്തിനു പുതിയ ഒരു മന്ത്രിയെ അടിച്ചേല്‍പ്പിച്ചത്?

കേരള ജനത നല്‍കുന്ന ടാക്സ് യാതൊരു ഉളുപ്പിമില്ലാതെ മറ്റൊരു മന്ത്രിക്കും ശിങ്കടികള്‍ക്കും ആയി അധിക ചെലവു ചെയ്യുവാന്‍ ഇത്ര അത്യാവശ്യം എന്തായിരുന്നു?

അതിനു കൂട്ടു നിന്ന ഉമ്മന്‍ ചാണ്ടി കേരള ചരിത്രത്തിന്റെ കറുത്ത ഏടുകളില്‍ അവര്‍ക്കൊപ്പം തന്റെ പേരു കൂടി എഴുതി ചേര്‍ത്തത് എന്തിനു വേണ്ടിയായിരുന്നു?

ഒരു വകുപ്പിനു ഒരു മന്ത്രി എന്ന രീതിയില്‍ വീതിച്ച് അങ്ങ് ഭരിച്ച് കേരള ജനതയെ വേഗത്തില്‍ കുത്തു പാളയെടുപ്പിക്കുന്നതല്ലേ ഇതിലും നല്ലത്  ;)

ആര്യാടന്റെ മലപ്പുറം പ്രസംഗം, ചരിത്രത്തിന്റെ കറുത്ത ഏട് ഉണ്ടാക്കിയവര്‍ കേട്ട് മനസ്സിലാക്കാന്‍ യൂട്യൂബ് ലിങ്ക് ഇവിടെ. 


...

വിദ്യാഭ്യാസം ലീഗിൽ നിന്ന് മാറ്റുക

വിദ്യാഭ്യാസ ബില്ലിൽ അഭ്യാസം നെറികെട്ട കേരള സർക്കാർ തുടരുന്നു!!!!!

ബില്ലിൽ 2001നു ശേഷം ജോലി ലഭിച്ച 1-8 വരെയുള്ള അധ്യാപകർക്ക് പൊതു പരീക്ഷ വേണം എന്നതിനെ കേരള സർക്കാർ എല്ലാവർക്കും പരീക്ഷ പാസ്സാകണം എന്ന് തിരുത്തി...

കേരള സർക്കാർ സ്കൂൾ മാനേജുമെന്റുകളെ സഹായിക്കുന്നത് ഈ വിധിയിലൂടെ മാതമല്ല!!!

കുട്ടികൾക്ക് 1ആം ക്ലാസ്സ് പ്രവേശനം 6ആം വയസ്സിൽ വേണം എന്നതിനെ അട്ടിമറിക്കുവാൻ മന്ത്രിയും കൂട്ടരും ശ്രമിക്കുന്നു.. കുട്ടികളെ 3ആം വയസ്സിൽ പഠനത്തിനായി ചേർക്കുന്നതിൽ കുഴപ്പമില്ല എന്ന ഡെൽഹി കോടതി വിധി ഉയർത്തി കാട്ടിയാണു മന്ത്രിയും കൂട്ടരും രംഗത്തിറങ്ങിയിരിക്കുന്നത്!!!! എന്നാൽ കോടതി വിധി പറയുന്നത് 3ആം വയസ്സിൽ പ്രീ-സ്കൂളിൽ പ്രവേശിപ്പിക്കാം എന്നാണു. അതായത് കെ.ജി.യിൽ 4ആം വയസ്സിലും 1ൽ 6ആം വയസ്സിലും തന്നെയാണു പ്രവേശനം നൽകേണ്ടത്... എന്നാൽ വിദ്യാഭ്യസ മന്ത്രിയും കൂട്ടരും അഭ്യാസം നടത്തി ബില്ലിനെ അട്ടിമറിക്കുവാൻ ശ്രമിക്കുന്നു!!!

സ്കൂൾ മാനേജ്മെന്റു കമ്മിറ്റി ഉണ്ടാക്കണമെന്നും അതിൽ ഭൂരിപക്ഷം രക്ഷിതാക്കളായിരിക്കണം എന്നും ആകെ അംഗങ്ങളിൽ 50% സ്ത്രീകൾ ആയിരിക്കണം എന്നും ഈ കമ്മിറ്റിയാണു സ്കൂളിന്റെ ദൈനംദിന പ്രവർത്തനങ്ങളെ നിയന്ത്രിക്കേണ്ടതെന്നുമുള്ള ബില്ലിലെ പ്രധാന നിയമം നടപ്പാക്കുവാൻ പക്ഷേ മാനേജ്മെന്റ് സ്നേഹികളായ കേരള സർക്കാർ ഇത് വരെ നടപടി എടുത്തിട്ടില്ല!!!!

ബില്ലിൽ ഹൈസ്കൂൾ എന്ന് പറയുന്ന 9ഉം 10ഉം +2നു ഒപ്പം ചേർക്കുവാനുള്ള പരിഷ്കാരത്തിനു മന്ത്രി കച്ചകെട്ടി ഇറങ്ങി കഴിഞ്ഞിരിക്കുന്നു!!!

ഇലക്ഷൻ കഴിഞ്ഞ ഉടനെ ഹൈബി ഈഡൻ പറഞ്ഞതായിരുന്നു വിദ്യാഭ്യാസം കോൺഗ്രസ്സ് ഏറ്റെടുക്കണമെന്ന്... ആ “പയ്യന്റെ” വാക്കുകൾ കോൺഗ്രസ്സ് “മൂത്തന്മാർ” അവഗണിച്ചതിനു കേരളം അനുഭവിക്കുന്നു!!!

വിദ്യാഭ്യാസ മന്ത്രി സ്ഥാനത്ത് നിന്ന് മുസ്ലീം ലീഗിനെ മാറ്റേണ്ട സമയം അതിക്രമിച്ചു കഴിഞ്ഞു.......