നസീർ പ്രതിമ അനിസ്ലാമികം!!!

പ്രേം നസീറിന്റെയും സത്യന്റെയും സ്മരണയ്ക്കായി അവരുടെ പ്രതിമകൾ സ്ഥാപിക്കുവാൻ സർക്കാർ തീരുമാനിച്ചു. പണിയും തുടങ്ങി. അപ്പോൾ ദാ വരുന്നു മുസ്ലീം ജമാ അത്ത് കൌൺസിൽ, നസീറിന്റെ പ്രതിമ അനിസ്ലാമികമാണെന്നും അത് ഉണ്ടാക്കിയാൽ മുസ്ലീം വിശ്വാസികളെ സംഘടിപ്പിച്ച് ശക്തമായ സമരവുമായി രംഗത്ത് വരുമെന്ന് ഭീഷണി മുഴക്കിയിരിക്കുന്നു... (വാർത്ത)

ഈ മത ഭ്രാന്തന്മാർ ഇനി പാർലമെന്റ് ഹൌസിൽ 1996ൽ സ്ഥാപിച്ചിരിക്കുന്ന മൌലാന അബ്ൽ കലാം ആസാദിന്റെ പ്രതിമയ്ക്കെതിരെ രംഗത്ത് വരുമോ എന്തോ?

ഇത്തരം മതഭ്രാന്തന്മാരെ ചങ്ങലയ്ക്കിട്ട് തളം വെച്ചില്ലെങ്കിൽ സമൂഹത്തിനു ഭീഷനിയായി ഇവർ അലഞ്ഞ് തിരിഞ്ഞ് നടക്കും.... 

കാക്കകൾക്ക് കാഷ്ഠിക്കുവാൻ പ്രതിമകൾ ഉണ്ടാക്കുന്നതിനു പകരം ജീവിച്ചിരുന്നപ്പോൾ നസീർ ചെയ്തിരുന്നത് പോലെ പ്രതിമ ഉണ്ടാക്കുവാൻ ചെലവിടുന്ന ലക്ഷങ്ങൾ ഉപയോഗിച്ച് സാമ്പത്തിക ബുദ്ധിമുട്ട് അനുഭവപ്പെടുന്ന കുട്ടികളുടെ പഠനത്തിനോ മറ്റോ അദ്ദേഹത്തിന്റെ പേരിൽ വല്ല ധനസഹായം രൂപീകരിച്ചിരുന്നുവെങ്കിൽ!!!

ലതിക സുബാഷും ദോശയും!!

ഇന്ത്യവിഷനിൽ തെരഞ്ഞെടുപ്പ് പരിപാടിയായ കുരുക്ഷേത്രത്തിൽ ലതിക ദോശ കഥ പറഞ്ഞതിലൂടെ തന്റെ രാഷ്ട്രീയ അറിവില്ലായ്മ ഒരിക്കൽ കൂടി പുറത്ത് വിട്ടിരിക്കുന്നു... പാവം മോഡറേറ്റർ സനീഷ്, ചിരിച്ച് മണ്ണ് കപ്പുന്ന രംഗം കാണേണ്ടത് തന്നെയായിരുന്നു :))

ഇടത് ഭരണകാലത്ത് കർഷക ആത്മഹത്യകൾ ഇല്ലായിരുന്നു എന്ന് കേന്ദ്രഗവണ്മെന്റ് തന്നെയാണു പറഞ്ഞിട്ടുള്ളത് (റിപ്പോർട്ടുകൾ ഇപ്പോഴും കേന്ദ്രഗവണ്മെന്റ് വെബ്സൈറ്റിൽ ലഭ്യമാണു) എന്നിട്ടും ലതിക സുബാഷിനു ആ വിവരം ഇത് വരെ കിട്ടിയില്ല എന്നത് ബ്ലോഗുലകത്തിനു തന്നെ നാണകേടായി :(

വൈദ്യുതി കട്ടിനെ പറ്റിയും, മുല്ലപെരിയാർ വിഷയത്തെ പറ്റിയും പറഞ്ഞത് എന്തായിരുന്നു!!!! ഇടയ്ക്ക് ആ നിരക്ഷരന്റെ മുല്ലപെരിയാർ ബ്ലോഗ് അപ്പ്ഡേയ്റ്റ് എങ്കിലും നോക്കിയിരുന്നെങ്കിൽ ഇത് ഒഴിവാക്കാമായിരുന്നില്ലേ!!

പരിപാടിയുടെ തുടക്കത്തിൽ ടി.പി.യുടെ വധം നെയ്യാറ്റിങ്കര തെരഞ്ഞെടുപ്പിൽ ഞങ്ങൾ ഉപയോഗിക്കില്ല എന്ന് പറഞ്ഞ ലതിക അവസാനം ടി.പി.യുടെ മരണം മൂലം വനിതകൾ തങ്ങൾക്ക് വോട്ട് ചെയ്യുമെന്ന് പറഞ്ഞ് പരിപാടി അവസാനിപ്പിക്കുമ്പോൾ ലതികയുടെ രാഷ്ട്രീയ മുഖം മൂടി അഴിഞ്ഞ് വീഴുന്നു കൂടെ അവർ പ്രതിനിധാനം ചെയ്യുന്ന പാർട്ടിയുടെയും!!!

മലമ്പുഴ പ്രചരണ പ്രസംഗങ്ങൾ കേൾക്കുവാൻ കഴിയാതിരുന്നതിലുള്ള വിഷമം മാറി കിട്ടി...

ഒരു പരിപാടിക്കു പങ്കെടുക്കുമ്പോൾ ഒരു തെയ്യാറെടുപ്പുമില്ലാതെ ചെന്ന് നിൽക്കുവാനുള്ള ധൈര്യത്തെ സമ്മതിക്കാതെ തരമില്ല... പ്രേമചന്ദ്രനെ മൈന്റ് ചെയ്യാൻ കഴിയില്ലെങ്കിൽ അപ്പുറം നിന്ന ആ ബി.ജെ.പി.ക്കാരനെ കണ്ടെങ്കിലും എങ്ങിനെ പരിപാടിക്കായി തയ്യാറെടുക്കാമെന്ന് പഠിച്ചിരുന്നുവെങ്കിൽ.... ഇനിയെങ്കിലും ഇത് പോലെയുള്ള പരിപാടികളിൽ പങ്കെടുക്കുന്നതിനു മുൻപ് ഒരു 5 മിനിറ്റ് പ്രിപ്പറേഷൻ എങ്കിലും എടുക്കണമെന്ന് താഴ്മയായി അപേക്ഷിക്കുന്നു... മറ്റൊന്നും കൊണ്ടല്ല കണ്ടിരിക്കേണ്ടത് ഞങ്ങളാണല്ലോ ;)

കുട്ടിയെ വളർത്തുന്ന ചെലവ്!

ഒരു കുട്ടിയെ 17 വയസ്സു വരെ വളർത്തുവാൻ വേണ്ട ചെലവ് എത്ര?

അമേരിക്കയിലെ കണക്കനുസരിച്ച് $57,000നു മുകളിൽ വാർഷിക വരുമാനം ഉള്ള മദ്ധ്യവർഗ്ഗത്തിനു ചെലവാകുക $2,87,000 മാത്രം!

സർക്കാർ സ്കൂളുകളിലെ വിദ്യാഭ്യാസം സൌജന്യമായതിനാൽ കെ.ജി. മുതൽ 12 വരെയുള്ള ക്ലാസ്സുകൾക്ക് ഫീസ് കൊടുക്കേണ്ടതില്ല.. എന്നാൽ പ്രൈവറ്റ് സ്കൂളുകളിലെ വാർഷിക ഫീസ് $15,000ത്തിനും $40,000ത്തിനും ഇടയിലാണു.. അത് പോലെ കെ.ജി.ക്ക് മുൻപും 12നു ശേഷവും ഉള്ള ചെലവ് കഠിനം തന്നെയാണു...

ചെറിയ കുട്ടികളെ നോക്കുവാനുള്ള സെന്ററുകളിൽ ഒരു കൊല്ലത്തെ ചെലവ് $4000ത്തിനും $20,000ത്തിനും ഇടയിൽ വരും. ആയയെ നിർത്താനെങ്കിൽ മാസം $3000!

ഇനി കോളേജ് ചെലവ് $17,000 മുതൽ മുകളിലേയ്ക്ക്....

മുകളിലെ ചിത്രത്തിൽ നോക്കിയാൽ 1960ൽ ഭക്ഷണത്തിനു ചെലവഴിച്ചിരുന്ന തുക 2010ൽ വെട്ടി കുറച്ച് ചെറിയ കുട്ടികളെ നോക്കുന്നതിനും പഠനചെലവിനും ആയി ചെലവഴിക്കുന്നത് കാണാം.


കൂടുതൽ വിവരങ്ങൾക്ക് http://www.cnpp.usda.gov/Publications/CRC/crc2010.pdf

നമ്മുടെ നാട്ടിൽ 30 വയസ്സായാലും മക്കൾ മാതാപിതാക്കളുടെ തണലിൽ തന്നെ.. സ്കൂൾ വിദ്യാഭ്യാസ ചെലവ് കൂടാതെ കല്ല്യാണവും അവർ തന്നെ നടത്തി തരണം :( 

അപ്പോൾ ജനനം മുതൽ 30 വയസ്സു വരെ ഒരു കുട്ടിയെ വളർത്തുവാൻ നമ്മുടെ നാട്ടിലെ മാതാപിതാക്കൾ എത്ര ചെലവു ചെയ്യേണ്ടി വരും!!

വെറുതെയല്ല പ്രായപൂർത്തിയാകുമ്പോഴേയ്ക്കും കുട്ടികൾ സ്വന്തം കാലിൽ നിൽക്കണമെന്ന് അമേരിക്കക്കാർ നിർബന്ധം പിടിക്കുന്നത്... അമേരിക്കൻ ഗവണ്മെന്റ് റിപ്പോർട്ടിൽ പോലും 17 വയസ്സു വരെ നോക്കിയാൽ മതി എന്ന സൂചനയും കൊടുക്കുന്നു!

പുരോഹിത വർഗ്ഗത്തിനു ഈ റിപ്പോർട്ട് ഒന്നു വായിക്കുവാൻ കൊടുത്തിരുന്നുവെങ്കിൽ കൂടുതൽ മക്കളെ ഉണ്ടാക്കണമെന്ന് ഇനി ഒരിക്കലും പറയില്ല ;))